Gazeta Si – Një 73-vjeçare u gjet pa jetë në banesën e saj në lagjen “21 dhjetori” në kryeqytet. Policia njofton se viktima, Rafije Abedini, kohët e fundit kishte shfaqur probleme shëndetësore dhe vuante nga disa sëmundje, ashtu siç dëshmoi edhe vajza e saj.
Mësohet se 73-vjeçarja pak ditë më parë është rrëzuar, por nuk ka pasur dëmtime dhe shenja dhune. Paraprakisht dyshohet se vdekja e saj ka ardhur nga shkaqe natyrale.
“Më datë 13.05.2024, rreth orës 13:30, në rrugën “Sulejman Pitarka”, ka ndërruar jetë në banesën e saj shtetasja R. A., 73 vjeçe, e cila nga verifikimet paraprake rezulton se kohët e fundit kishte shfaqur probleme shëndetësore dhe vuante nga disa sëmundje të ndryshme. Nga veprimet e para hetimore, të kryera në vendngjarje, rezulton se shtetasja R. A., është rrëzuar disa ditë më parë dhe nuk ka dëmtime ose shenja dhune. Paraprakisht dyshohet se vdekja ka ardhur nga shkaqe natyrale, por për të përcaktuar në mënyrë përfundimtare shkakun e vdekjes pritet ekspertiza e thelluar nga IML”, – njofton Policia e Tiranës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
