.png)
Nga Gazeta Si - Aktori dhe regjisori amerikan, Sean Penn ishte Ukrainë, kur nisi operacioni i “çmilitarizimit” dhe “denazifikimit” nga presidenti rus, Vladimir Putin. Sean Penn ishte duke xhiruar një dokumentar mbi krizën në portat e Europës. Ka kaluar pothuajse një vit nga ai 24 shkurt 2022.
Ndërkohë, aktori hollivudian është parë përkrah Volodymyr Zelensky-t, i cili po largohej nga Ukraina në këmbë për në Poloni, teksa i dhuroi presidentit ukrainas një nga dy çmimet e tij Oscar për aktorin më të mirë. Pas gati një vit pas fillimit të pushtimit, dokumentari ka dalë. Titullohet “Superfuqia”, rrëfimi i takimeve të afërta, personalisht dhe nëpërmjet Zoom, të aktorit dhe bashkëregjisorit Aaron Kaufman, me Presidentin Zelensky dhe do të prezantohet jashtë garës më 17 shkurt në Festivalin e Filmit në Berlin.
“Është një dokumentar i xhiruar në rrethana shumë të vështira, por është edhe një film që tregon rolin e artit dhe artistit në kohë të vështira”, tha drejtori artistik i festivalit, Carlo Chatrian. Nëntë filma të rinj të kineastëve ukrainas do të prezantohen gjithashtu në Berlin gjatë festivalit. Penn kishte qenë në Ukrainë që në nëntor 2021, kur ai vizitoi kufirin Rusi-Ukrainë në lindje të vendit, ku konflikti është ndezur që nga viti 2014, dhe intervistoi ushtarë nga të dyja palët.
Ideja e tij fillestare ishte të tregonte trajektoren e Zelensky: showman, aktor, komedian dhe producent, protagonist i serialit satirik televiziv “Shërbëtori i Popullit”, hyrjen e tij në politikë dhe zgjedhjen e tij si president në 2019.
“Kur vendosi të hynte në politikë njerëzit e dinin se kush ishte dhe reaguan emocionalisht ndaj personazhit që ai krijoi”, tha Penn për Variety. Penn dhe Kaufman ishin tashmë në Ukrainë më 23 shkurt 2022, një ditë para pushtimit të shpallur në TV nga Putin.
“Mendoni për një luftë midis Davidit dhe Goliathit. Davidi ishte i shkathët, i gatshëm për të luftuar në mënyra të ndryshme”, shtoi Kaufman. “David ukrainasit”, vazhdoi Penn: “Ndërsa Goliathët janë qindra mijëra rusë, dhe ata nuk po e fitojnë luftën”. Në fillim të marsit 2022, Penn ishte larguar nga vendi: ai kishte shpërndarë një fotografi në rrjetet sociale teksa lëvizte, me karrocë në dorë, përgjatë rrugës drejt kufirit polak.
“Unë dhe kolegët e mi ecëm me kilometra deri në kufi, pasi e braktisëm makinën tonë gjatë rrugës. Pothuajse të gjitha makinat kanë gra dhe fëmijë, pa asnjë shenjë bagazhi dhe ajo makinë është pasuria e tyre e vetme me vlerë”, tha aktori në rrjetet sociale.
“Unë planifikoj të bëj një festë të madhe kur ukrainasit të mbizotërojnë mbi këtë luftë. Nuk e dimë nëse do të jetë një kohë e shkurtër, nuk e dimë nëse do të ketë humbje të tmerrshme apo minimale dhe sa do të na thyejë zemrat. Por ne e dimë që ukrainasit do të mbizotërojnë”, tha aktori amerikan i sigurt për përfundimin e konfliktit.
Në Oscar – ndoshta atë për ‘Mystic River’ të Clint Eastwood, zbuloi aktori – presidenti ukrainas u përgjigj duke i dhënë aktorit Urdhrin e Meritës së shkallës së tretë për merita të rëndësishme personale “në forcimin e bashkëpunimit ndërshtetëror, në mbështetjen e sovranitetit dhe integritetit territorial të Ukrainës dhe për një kontribut të rëndësishëm në popullarizimin e shtetit tonë në botë”.
Dokumentari Citizen Penn, nga Discovery Plus, i publikuar në vitin 2020, u realizua mbi angazhimin social të Penn.
“Sean Penn ka treguar një guxim që shumë, veçanërisht në mesin e politikanëve perëndimorë, nuk e kanë. Sa më shumë njerëz si ai, miq të vërtetë të Ukrainës, do të vijnë në vendin tonë, aq më shpejt mund të ndalojmë sulmet frikacake të Putinit”, thuhet në shënimin e publikuar për ‘Newsweek’ nga ambasada ukrainase në Shtetet e Bashkuara. Vendi ynë i është mirënjohës atij për këtë shfaqje guximi dhe ndershmërie”. /ansa.it/
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
