Gazeta Si – Një 15-vjeçare ka kallëzuar në policinë e Kavajës babain e saj me akuzën se kishte kryer marrëdhënie seksuale me të gjatë 4 viteve të fundit.
Pas kallëzimit të të miturës, policia ka arrestuar autorin e dyshuar, 48-vjeçari Bledar Rako, banues në Golem për veprën penale “marrëdhënie seksuale ose homeseksuale me të mitur”.
Sipas burimeve, mësohet se e bija e 48-vjeçarit, ka zbuluar abuzimin seksual gjatë një bisede me psikologen e shkollës dhe me të marrë njoftim prej saj, policia e Kavajës është vënë në lëvizje dhe ka bërë ndalimin e tij.
Pas ndalimit, Rako, që punon si shitës në një pikë karburanti, ka mohuar të ketë kryer marrëdhënie me të bijën, e cila ka deklaruar se ka qenë e abuzuar herë pas here gjatë 4 viteve të fundit.
Vijon puna hetimore për dokumentimin e plotë ligjor të këtij rasti. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
