Pas dyshimeve për pastrim parash prokuroria ka sekuestruar 120.000 euro, që dyshohet se janë përfituar nga veprimtari kriminale.
Specialistët e krimit ekonomik dhe financiar në policinë e Fierit, në bashkëpunim me Prokurorinë e Rrethit Gjyqësor Fier, kanë vendosur sekuestro preventive mbi llogarinë bankare më vlerën 120.000 eurove, të shtetasit T.B.
Shtetasi në fjalë dyshohet për kryerjen e veprës penale “Pastrimi i produkteve të veprës penale ose veprimtarisë kriminale”. Në njoftimin e saj Policia e Shtetit nuk jep shumë detaje në lidhje me veprimtarinë kriminale të dyshuar të këtij personi.
Materialet hetimore i kaluan Prokurorisë pranë Gjykatës së Shkallës së Parë Fier për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
