Gazeta Si – Dy persona janë arrestuar për dhënie rryshfeti të mbetur në tentativë ndaj punonjësve të policisë gjatë 24 orëve të fundit.
Policia njofton se u arrestua 20-vjeçari me iniciale S.B. që u konstatua pa vendosur rripin e sigurisë, si dhe 40-vjeçari me iniciale O.D. që drejtonte mjetin nën ndikimin e alkoolit.
Të kapur në këto shkelje, ata kanë tentuar t’i ofrojnë punonjësve të Policisë së Shtetit rryshfet. Me këto 2 raste, ka shkuar në 38 numri i personave të arrestuave për korrupsion aktiv të punonjësve të Policisë Rrugore të mbetur në tentativë.
Rasti i parë:
Shoferi: Nuk jam i pirë (i ofron 50 euro efektivit)
Polici: Ky është korrupsion
Rasti tjetër:
Shoferi: Më ndihmo me gjobat të lutem (ofron 1 mijë lekë)
Policja: Nuk ka lidhje kjo, unë nuk kërkova këto
Policia thotë se lufta kundër këtij fenomeni do të intensifikohet, qoftë ndaj shkelësve, qoftë ndaj atyre që kryejnë korrupsionin pasiv, punonjësve të policisë. Policia Rrugore apelon për respektimin e rregullave dhe fton qytetarët të denoncojnë shkeljet në 112.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
