Në një automjet me targa nga Shqipëria në kalimin kufitar “Bogorodica”, midis Maqedonisë dhe Greqisë janë konfiskuar rreth 45 kilogramë drogë.
Mediat maqedonase raportojnë se në bordin e makinës ishin dy shqiptarë, të cilët janë kallëzuar penalisht për prodhimin dhe shitjen e 34,6 kilogramë marihuanë dhe 9,8 kilogramë hashash.
Ndalimi i tyre është bërë në orën 12:30 në kalimin kufitar “Bogorodica” në dalje nga Maqedonia në një automjet me targa shqiptare të drejtuar nga shtetasit me iniciale O.L dhe bashkudhëtari A.J.
Doganierët, gjatë kontrollit në dyshemenë e automjetit kanë gjetur 49 paketime me lëndë të gjelbër të mbështjellë në një shirit të zi.
Shefja e shërbimit për luftë kundër kontrabandimit Liljana Zhivkoviç-Davitkova sqaroi se droga e gjetur ishte e destinuar për tregun në Greqi dhe Turqi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
