.png)
Kombëtarja shqiptare ka zhvilluar pasditen e sotme seancën e parë stërvitore në kryeqytet. Nën urdhrat e trajnerit Silvinjo ishin pjesa më e madhe e lojtarëve.
Disa lojtarë janë stërvitur normalisht, disa të tjerë individualisht. Nuk ka punuar me grupin Nedim Bajrami, i cili erdhi në grumbullim në momentin që skuadra nisi stërvitjen.
Mungesat e vetme në seancën e parë të zhvilluar në “Shtëpinë e Futbollit” ishin mesfushori Qazim Laçi dhe mbrojtësi Naser Aliji, për shkak të angazhimeve me klubet e tyre. Të dy këta lojtarë do të paraqiten në grumbullim ditën e martë.
Kuqezinjtë do të vazhdojnë stërvitjen në Tiranë deri ditën e enjte, kur do të nisen drejt Italisë, për të luajtur një ditë më pas miqësoren me Kilin në stadiumin e Parmës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
