Rey Manaj shënon golat e radhës në Superligën turke. Sulmuesi lushnjar po kalon një formë fantastike me Sivassporin.
Dhe sot i kanë mjaftuar tetë minuta për të zhbllokuar duelin shtëpiak të javës së 21-të kundër Gaziantepit.
Sivasspori fitoi një penallti dhe Manaj u tregua i saktë nga pika e bardhë. Vendasit fituan një tjetër penallti në minutën e 15′.
GOOOOOL GOOOL GOL 8' Rey Manaj (Penaltı)
— RftDrk 🏆 (@RftDrk58) January 21, 2024
EMS Yapı Sivasspor 1-0 Gaziantep FK#SVSvGFK#GösterGücünü pic.twitter.com/OyVhAFmezJ
Sërish 26-vjeçari mori përsipër ekzekutimin duke mposhtur për herë të dytë portierin kundërshtar.
Rey Manaj’ın Penaltı Golü İle Sivasspor’umuz Gaziantep FK Karşısın’da 2-0 Yaptı…#SVSvGFK#GösterGücünü pic.twitter.com/vvDzCLNbaD
— RftDrk 🏆 (@RftDrk58) January 21, 2024
Por megjithë dygolëshin e Rey Manajt, miqtë kanë arritur të barazojnë dhe takimi është mbyllur me rezultatin 2-2.
Sulmuesi shqiptar është ngjitur në kuotën e 10 golave sezonalë në kampionatin turk, duke ndihmuar Sivassporin me realizimet e tij.
Manaj po zhvillon një sezon shumë të mirë me ekipin turk dhe shpreson që të vazhdojë me performanca pozitive dhe gola.
Në mënyrë që të realizojë ëndrrën e tij të madhe për të marrë një ftesë nga Sylvinho dhe për të luajtur me ekipin kombëtar në Euro 2024. /Supersport
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
