Policia e Cërrikut ka arrestuar dy persona, pronarin dhe punëtorin e një marketi pasi ka zbuluar 2.6 kg kanabis, e fshehur në disa kavanozë.
Pas të dhënave në rrugë operative policia ka ushtruar kontroll në marketin e Eris Skënderi 31-vjeç, duke sekuestruar në cilësinë e provës materiale lëndën narkotike kanabis sativa. Së bashku me pronarin e marketit është arrestuar edhe punëtori Roland Dulja, i cili dyshohet se është i përfshirë në shitjen e lëndëve narkotike. Në cilësinë e provës materiale është sekuestruar edhe një aparat celular.
Vijon puna për identifikimin dhe arrestimin e personave të tjerë që janë të përfshirë në këtë veprimtari kriminale. Materialet procedurale do t’i kalojnë Prokurorisë pranë Rrethit Gjyqësor Elbasan, për veprën penale “Prodhimi dhe shitja e narkotikëve”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
