Dramatike/ Sulmuesi i Ganës humbi penallti, vajza e tij ra pa ndjenja para televizorit

Gazeta Si – Botërori i ka të dyja, gëzimin dhe dhimbjen. Një komfirmim i fundit ishte fitorja e Uruguajit me Ganën, që në fund nuk bëri punë për kualifikimin, sepse Koreja e Jugut mundi Portugalinë.

Po atë mbrëmje ndodhi edhe një tjetër histori e dhimbshme për t’u treguar, me protagonist kapitenin e ekipit afrikan, André Ajeu. Sulmuesi humbi një penallti dhe në pushim u zëvendësua. Një zëvendësim jo për arsye teknike, por për një problem familjar, që u zbulua më pas.

Andre Ajeu ne momentin e humbjes se penalltise. Gazeta Si, 4 dhjetor 2022

Vajza e kapitenit të Ganës ra pa ndjenja para televizorit, kur André Ajeu humbi penalltinë. Ajo u dërgua me urgjencë në spital, ku shkoi menjëherë edhe futbollisti. Emocionet e tepërta, këtë herë edhe zhgënjimi, sollën një shaka të pakëndshme në familjen Ajeu.

Një gazetar i njohur në Ganë ka publikuar në rrjetet sociale një foto, ku duket Ajeu në momentin e mbërritjes në spital, teksa përqafon vajzën. “André Ajeu shkoi direkt nga stadium në spital për të parë vajzën, që humbi ndjenjat kur ai humbi penalltinë ndaj Uruguajit. Ishte e frikshme, por për fat tani është mirë”, – shkruan gazetari.

Andre Ayew went from the stadium straight to the hospital to see his daughter who collapsed when he missed the penalty against Uruguay. It was quite scary but thankfully, she’s doing fine now🙏🏾 pic.twitter.com/PlWp1ZKnFK
— Fentuo Tahiru Fentuo (@Fentuo_) December 3, 2022

Por jo vetëm kaq, pasi situata familjare ka qenë mjaft komplekse. E ka treguar në Instagram vetë lojtari, që zbulon se kishte humbur djalin e vogël një ditë para ndeshjes me Portugalinë: “Kanë qenë momente shumë të vështira për mua ditët e fundit. Humba djalin e vogël para ndeshjes me Portugalinë, kurse vajza u dërgua me urgjencë në spital.

Falë Zotit, po përmirësohet. Këto momente të vështira më frymëzojnë që të kthehem edhe më i fortë në të ardhmen dhe kështu besoj se do jetë”, – shkruan Ajeu.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.