.png)
Nga Gazeta ‘SI’ – Deputeti socialist Laert Duraj ka depozituar në Kuvend një draft ku kërkon lehtësime për koncesionarët.
Në dokumentin e publikuar propozohet që për fituesit e kontratave koncesionare garancia (sigurimi i kontratës) të jetë sa 5% e vlerës së ndërtimit dhe jo sa 5% e vlerës së kontratës siç është momentalisht. Pas periudhës së ndërtimit, thekson drafti, të llogaritet sa 5% e vlerës së mbetur të kontratës.
Sipas deputetit, ky ndryshim duhet të ndodhë sepse ligji në fuqi i ka rënduar kompanitë me vlera të larta që shërbejnë si garanci.
“Nga zbatimi në praktikë i ligjit, mënyra e përllogaritjes së garancisë së realizimit të kontratës ka rezultuar në vlera mjaft të larta, të cilat pengojnë financimin real të projektit që synon të zhvillohet” e argumenton deputeti socialist.
Së fundmi qeveria ka vendosur rishikimin e ligjit për koncesionet dhe PPP-të brenda 2025-s.
Aty theksohet se qeveria po punon me ekspertët e OECD-së, për të plotësuar mangësitë ligjore si edhe për të adresuar shqetësimet e shpeshta të Komisionit Europian për këtë ligj.
Ashtu siç është rekomanduar herë pas here nga ndërkombëtarët, rishikimi i ligjit për PPP-të synon të forcojë rolin e ministrisë së Financës në këto projekte.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
