Gazeta Si – Komandanti i Gardës së Republikës, Gramoz Sako, ka dhënë dorëheqjen pas 11 vitesh në këtë detyrë.
Burime paraprake, bëjnë me dije se dorëheqja e tij është paraqitur të premten, ndërkohë që mendohet që vendin e tij ta zërë një tjetër ish-drejtues i njohur i Policisë, Haki Çako.
Nuk dihen ende arsyet e dorëheqjes së Gramoz Sakos, i cili e ka marrë detyrën në vitin 2013, por ndaj tij ka pasur akuza publike nga Partia Demokratike, përveçse për trajtimin e deputetëve të opozitës gjatë protestave të tyre brenda dhe jashtë Kuvendit, ashtu edhe për korrupsion.
Gjithnjë sipas burimeve, Ministria e Brendshme deklaron se ka nisur një reformim të thelluar të Gardës që merret me ruajtjen e PLSh-së.
Gramos Sako është lindur në Tepelenë, më 19 Janar 1971. Që prej vitit 2013 ushtron detyrën në funksionin e Komandantit të Gardës së Republikës. Ai ka një eksperiencë të gjatë e të larmishme në fushën ushtarake.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
