Policia e Vorës ka parandaluar një ngjarje të rëndë kriminale në familje.
Policia thotë se është arrestuar një 66-vjeçar, pasi kërcënoi me armë bashkëshorten.
Siç njofton policia, ngjarja ka ndodhur në fshatin Domje, në Vorë ku shtetasi me inicialet S. B dhunonte psikologjikisht bashkëshorten e tij, duke e kërcënuar me armë.
Në cilësinë e provës materiale është sekuestruar arma e zjarrit kallashnikov, me të cilën ky shtetas e kërcënonte për ta vrarë bashkëshorten e tij, 63-vjeçaren L. B.
Materialet i kalojnë Prokurorisë pranë Gjykatës së Shkallës së Parë Tiranë, për veprime të mëtejshme, për veprat penale “Dhuna në familje” dhe “Armëmbajtja pa leje”, për të cilën parashikohet dënimi me burgim deri në 7 vjet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
