Gazeta Si- Një gjykatë në Francë e ka dënuar Dominique Pelicotin me 20 vjet burgim për drogimin dhe përdhunimin e vazhdueshëm të atëherë bashkëshortes së vet Gisele Pelicot për gati një dekadë, si dhe për rekrutimin e burrave të tjerë për ta përdhunuar atë në shtëpitë e tyre.
Dominique Pelicot tha në gjykatë se është përdhunues dhe i kërkoi falje familjes së tij. Prokurorët kishin kërkuar dënim maksimal prej 20 vjetëve burgim për të.
Rasti i Gisele Pelicotit e ka tronditur botën dhe e ka shndërruar atë në simbol të guximit. Prokurorët gjithashtu kanë kërkuar dënime me burgim prej katër deri në 18 vjet për 50 të pandehurit e tjerë në këtë rast. Pothuajse të gjitha ata akuzohen për përdhunimin e Pelicotit pasi ajo e kishte humbur vetëdije.
Dominique Pelicot, 72 vjeç, u deklarua fajtor për akuzat gjatë gjyqit tremujor dhe i kërkoi falje familjes.
Shumica e të pandehurve në këtë rast, të cilët ai i kishte takuar online, e kanë mohuar akuzën e përdhunimit, duke thënë se mendonin se po merrnin pjesë në një lojë seksuale me konsesnsus, të orkestruar nga çifti dhe duke argumentuar se nuk ishte përdhunim nëse burri i saj u dha leje ta bënin një gjë të tillë.
Pelicot ka thënë se ata e dinin se ish-bashkëshortja e tij ishte pa ndjenja dhe e pavetëdijshme kur ndodhen këto akte.
Gisele Pelicot, 72-vjeçare, hoqi dorë nga anonimiteti gjatë gjykimit dhe kërkoi që videot e tmerrshme të abuzimit të saj, të cilat ishin xhiruar nga ish-bashkëshorti i saj, të shfaqeshin në gjykatë, duke thënë se kjo do t’u ndihmonte grave të tjera ta ngrenë zërin. Gjykimi ka nxitur protesta nëpër Francë në mbështetje të Giseles.
“Kam vendosur të mos ndihem e turpëruar. Unë nuk kam bërë asnjë gabim. Ata duhet të ndihen në turp”, tha ajo në gjykatë.
Dominique Pelicot fillimisht u raportua në polici në shtator 2020, kur një roje sigurie në një supermarket e zbuloi atë duke filmuar disa gra të fshehura.
Policia zbuloi më pas arkivat e tij shtëpiake që dokumentonin abuzimin e shkaktuar ndaj gruas së tij: mbi 20 milionë foto dhe video, të gjitha të arkivuara në të dhënat e saj dhe të kataloguara në një dosje. Bollëku i provave ka çuar policinë tek të akuzuarit e tjerë.
Në video, hetuesit kanë kontaktuar me 72 agresorë të ndryshëm, por nuk kanë mundur t'i identifikojnë të gjithë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
