.png)
Grupi italian i luksit Dolce&Gabbana do të ndalojë përdorimin e gëzofit në të gjitha koleksionet e tij nga ky vit, tha marka të hënën në një deklaratë të përbashkët me shoqatën për të drejtat e kafshëve Humane Society International.
“I gjithë sistemi i modës ka një rol të rëndësishëm të përgjegjësisë sociale që duhet promovuar dhe inkurajuar”, tha Fedele Usai, drejtori i komunikimit dhe marketingut.
Marka do të fillojë të përdorë veshje dhe aksesorë me gëzof eko, ndërkohë që do të vazhdojë të bashkëpunojë me mjeshtrit e gëzofit për të ruajtur vendet e punës.
Në një shtysë për të tërhequr klientët më të rinj, gjithnjë e më të ndjeshëm ndaj çështjeve etike dhe mjedisore, shumë marka tashmë janë zotuar të ndalojnë përdorimin e gëzofit të kafshëve duke përfshirë Armani, Kering, Prada, Valentino, Versace, Moncler dhe platformën luksoze të tregtisë elektronike Yoox Net-a-Porter.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
