.png)
Gazeta Si – Nuredin Dumani është përplasur me të bashkëpandehurit e tjerë gjatë seancës së dosjes “Plumbi i Artë” në GJKKO.
Gjatë dëshmisë së tij, i penduari i drejtësië, teksa ka qenë duke rrëfyer njohjen me Agron dhe Petrit Qoli, ka kërcënuar ish-miqtë e tij, Enver Diva dhe Besian Xhixha. “Do të shohim kush do t’ia hajë hallvën njëri-tjetrit”, – ka qenë një nga frazat e Dumanit.
Në një moment, la të kuptohet se po bënte një lloj kërcënimi ndaj të pandehurve të tjerë dhe aty pati ndërhyrje nga Enver Diva, i akuzuari për vrasjen e Bujar Çelës, i cili ia ktheu Dumanit në të njëjtën mënyrë kërcënimin.
Avokati Ilia: Në ç’rrethana jeni njohur me Agron Qolin?
Dumani: E kam pasur komshi. Kemi qenë edhe miq. E njoh nga 2001-2003. Agroni në 2012 u largua në Durrës. Kemi pasur marrëdhënie shumë të mira dhe hyrje-dalje familjare. Për një farë kohe unë kam punuar me Agronin në një pallat ku ai ishte teknik ndërtimi.
Avokati: Me kë punonte aty?
Dumani: Investitor ishte Enea Prifti. Unë kam punuar disa muaj aty.
Avokati: Cilat ishin marrëdhëniet mes Agron e Petrit Qolit?
Dumani: Ishin kushërinj. Petrit Qoli ishte ndërtues pallatesh, ndërsa Agroni teknik. Nuk di të kenë punuar bashkë.
Avokati: A shoqërohej Agroni me Festim Qolin?
Dumani: Po patjetër, çdo natë tek lokali i Festimit ishin.
Avokati: Kur je shoqëruar me Besnik Qolin, a ke diskutuar për marrëdhënien e tij me Agron Qolin.
Dumani: Ai fliste me respekt për të. E konsideronte njeri serioz.
Në vijim, i penduari i drejtësisë, Nuredin Dumani, u përplas me të bashkëpandehurit, e arrestuar pas dëshmisë së tij.
Komentet e lëshuara nga të pandehurit në drejtim të tij, Dumani iu përgjigj: “Nuk vdes unë. Pa ju ngrënë hallvën të gjithëve, nuk ma hani mua”.
Ndërsa i pandehuri Enver Diva ju përgjigj me ton të lartë nga kafazi: “Do e shohim ne se kush do ia hajë hallvën njëri-tjetrit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
