Dita e Verës, një festë tradicionale që festohet më së shumti në Elbasan, këtë vit për shkak të situatës së krijuar nga koronavirusi, si kurrë më parë nuk ka pasur festime.
Kryebashkiaku i Elbasanit, Gledian Llatja, ka ripërsëritur lutjen për qytetarët që të qëndrojnë në shtëpi. Për ta ka një premtim vitin tjetër do të bëhet një festë shumë e madhe.
“Këtë Ditë Vere, mijëra njerëz kishin menduar ta festonin në Elbasan për t’u argëtuar me aktivitet e parashikuara, për të shijuar gatimet tradicionale, për të vizituar pikat turistike të Elbasanit. Pa dyshim, do merrnit me vete edhe ballokumet e shijshme të amvisave tona. Sa bosh duket shtëpia jonë pa të gjithë ju, miqtë tanë që nuk na mungoni asnjë vit. Por shëndeti i të gjithëve ne është shumë i rëndësishëm. Ju kemi premtuar një festë shumë më të madhe vitin e ardhshëm, por ndërkaq po ju sjellim disa copëza nga Elbasani ynë. Janë fotografi 3D të qytetit, të pikave turistike, atraksioneve më të rëndësishme. Gëzuar Ditën e Verës me plot shëndet në familjet tuaja. Festojmë në shtëpi”, shkruan Llatja.
Deri më tani në Elbasan ka dy persona të infektuar nga koronavirusi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
