Njëkohësisht me protestën e studentëve, sot pasdite kanë protestuar si zakonisht edhe banorët e zonës së “Astirit”.
Të mbështetur nga kreu i Partisë Demokratike Lulzim Basha, ata thërrisnin në kor: “Gjiknuri në burg, poshtë projekti”.
Protesta te Unaza e Re shënon ditën e 38, ndërsa banorët kundërshtojnë prishjen e banesave të tyre siç e parashikon plani për ndërtimin e aksit nga sheshi “Shqiponja”, te mbikalimi pranë pallatit me shigjeta.
Qarkullimi në Unazë është bllokuar në të dy kahet e rrugës, ndërsa ata shprehen se nuk do të ndalin protestat deri kur qeveria të tërheqë vendimin për prishjen e banesave.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
