.png)
Gazeta Si – Xhudistja kosovare, Distria Krasniqi, kryeson bindshësh renditjen botërore të sportit që ushtron, në peshën deri në 52 kilogramë. Një arritje e madhe kjo për sportisten e talentuar, pas medaljeve të fituara në aktivitetet ndërkombëtare.
Federata Ndërkombëtare e Xhudos ka publikuar së fundi renditjen e apdejtuar. Krasniqi ka grumbulluar 7275 pikë, 265 pikë më shumë se zhudistja britanike, Chelsie Giles, që mban vendin e dytë.
Kosova ka nxjerrë disa sportiste që kanë arritur rezultate të larta në xhudo, me në krye Majlinda Kelmendin, falë punës së madhe të trajnerit Driton Kuka. Distria Krasniqi është një nga 7 sportistët që kanë marrë gradën kolonel kohët e fundit në Shqipëri.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
