Gazeta Si – Finalja e turneut të Majemit është Janik Siner kundër Grigor Dimitrov. Bullgari, pas Karlos Alkaraz, eliminoi edhe Aleksandër Zverez në gjysmëfinalen e dytë të Masters 1000. Tani akti final i turneut amerikan përballë italianit Siner, që eliminoi rusin Danil Medvedev.
Dimitrov triumfoi ndaj Zverev me rezultatin 6-4, 6-7, 6-4, pas dy orë e gjysmë lojë. Gjermani e humbi një set me ‘tie-break’. Në setin e parë ishin dy topa ‘break’, i pari në favor të Zverev, që nuk e shfrytëzoi, kurse i dyti i vlejti Dimitrov për 6-4.
Në setin e dytë ishte shërbimi që dominoi dhe në fund Zverev barazoi shifrat me ‘set point’-in e 3-të. U vendos gjithçka në setin e 3-të, ku Dimitrov sërish anuloi një top ‘break’ dhe pastaj mbylli ndeshjen 6-4.
Për tesnistin bullgar është finalja e parë në Florida. Do të jetë ndeshja e 4-t kundër Siner, me italianin që ka fituar 2 herë. Një prej fitoreve Siner e ka regjistruar pikërisht në Majemi, në 2023-shin: 6-3, 6-4.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
