Gazeta Si – Komisionet e FSHF-së, Disiplina dhe Etika, kanë marrë masa pas akteve të dhunës në derbin mes Tiranës dhe Partizanit, i vlefshëm për javën e 15-të. Këto komisione kanë vendosur që të përjashtojnë 14 tifozë, të cilëve u ndalohet hyrja në stadiumet e futbollit në Shqipëri për një periudhë të pakufizuar kohe.
“Pasi u njoh me relacionin e Sekretariatit Teknik, korrespondencën me policinë e shtetit lidhur me aktet e dhunës në ndeshjen Tirana–Partizani, të zhvilluar më 03.12.2023, ku janë konstatuar shkelje të parashikimeve ligjore, si dhe pasi shqyrtoi dokumentacionin e paraqitur dhe diskutoi çështjet në tërësi, Komisioni i Disiplinës dhe Etikës vendosi të ndalojë hyrjen në stadiumet e Shqipërisë për 14 tifozë.
Hyrja në stadium u ndalohet këtyre personave: Denis Ahmeti, Renis Maçi, Qemal Cano, Endri Mesiti, Juxhin Seferi, Mishel Burreli, Redi Sinani, Erinol Dushaj, Grejsi Sorra, Lorjan Beqo, Elvis Qatia, Herald Huqi, Donald Ismaili, Armand Shëngjergji”, – shkruhet në njoftimin e Komisionit të Disiplinës dhe Etikës.
Një kopje e këtij vendimi do t’i përcillet edhe Policisë së Shtetit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
