.png)
Më shumë gra po udhëtojnë vetëm dhe ekspertët thonë se 70% e tyre kanë më shumë gjasa që të udhëtojnë vetëm.
Udhëtimi vetëm i grave është më shumë se një trend. Mund të jetë një përvojë që ndryshon jetën, por jo të gjitha destinacionet janë të sigurta.
Travel of Path ka renditur 10 vendet më të sigurta për gratë dhe ndër to është edhe Shqipëria.
“Destinacioni që është bërë trend në Ballkan, është një zgjedhje e shkëlqyer për gratë që udhëtojnë vetëm”, shkruan Travel Off Path.
Shumë shkrimtare të faqes kanë eksploruar Shqipërinë dhe madje kanë jetuar në Shqipëri dhe do të riktheheshin për të jetuar përsëri këtu.
Travel of Path shkruan se qytetet historike dhe një kryeqytet nomad dixhital në rritje e bëjnë Shqipërinë një nga vendet më të larmishme dhe më të këndshme në rajon.
“Dhe më e rëndësishmja nga të gjitha, mikpritja shqiptare është absolutisht e pashembullt”, thekson Travel Off Path që thekson se në Shqipëri, turistët do të gjejnë vendas miqësorë dhe nuk do t’u mungojë ndihma kudo që të shkojnë.
Edhe Travelladies.app e rendit Shqipërinë ndër vendet më të sigurta për gratë për të udhëtuar.
Vendet e tjera të sigurta për gratë që udhëtojnë vetëm:
Islanda
Turistet femra i duan vendet e vogla, vendasit miqësorë dhe natyrën mahnitëse të Islandës. Për të mos përmendur se Islanda është vendi më i sigurt në botë, sipas Indeksit Global të Paqes.
Një avantazh tjetër i popullsisë relativisht më të vogël të Islandës është se akomodimi priret të jetë më i ngrohtë dhe më personal. Njerëzit në fakt e dinë emrin tuaj dhe fillojnë një bisedë. Nga hotelet tek bujtinat sociale, do të keni një shtrat të ngrohtë dhe një pritje të ngrohtë.
Sllovenia
Ndërsa mund të duket si një vend i vogël i vendosur midis Italisë dhe Austrisë, Sllovenia është e famshme në mbarë botën për pyjet e saj magjepsëse. Nëse jeni duke kërkuar për një dozë hijeshie europiane në Lubjanë ose një frymë të freskët në liqenin Bled, Sllovenia ka atë që po kërkoni në një mjedis miqësor.
Sllovenia është vendi i shtatë më i sigurt në botë. Vizitorët mund të shijojnë shëtitjet e vetme nëpër rrugët e saj pa stres. 85% e grave ndihen të sigurta duke ecur vetëm gjatë natës.
Emiratet e Bashkuara Arabe
Emiratet janë sinonim i luksit, është e vërtetë. Por ata janë të klasit të lartë edhe në dy fusha të tjera: mikpritja dhe siguria.
Banorët në Emirate janë përgjithësisht të sjellshëm dhe bujarë, kështu që turistet femra ndihen të mirëpritura kudo që shkojnë. Abu Dhabi dhe Dubai gjithashtu renditen vazhdimisht në top 20 qytetet më të sigurta në botë, duke i bërë ato një zgjedhje spektakolare për gratë që udhëtojnë vetëm.
Japonia
Japonia është prej kohësh e preferuar për të gjithë turistët. Por është veçanërisht e përkryer për turistet femra që udhëtojnë vetëm sepse shoqëria japoneze është krijuar që njerëzit ti bëjnë gjërat vetëm.
Restorantet zakonisht kanë tavolina individuale për një person dhe nga hotelet e deri tek shtëpitë, ka gjithmonë hapësira për personat që udhëtojnë vetëm.
Turistet që udhëtojnë vetëm nuk duhet të shqetësohen as për sigurinë. Japonia është vendi i tretë më i sigurt në Azi dhe vendi i 9-të më i sigurt në botë, sipas Indeksit Global të Paqes. Kohët e fundit është emëruar gjithashtu si vendi më i sigurt për turistët e vetëm.
Argjentina
Amerika Latine ndonjëherë mund të ketë një famë të keqe kur flasim për sigurinë. Edhe pse është e vërtetë që disa nga qytetet më të rrezikshme në botë ndodhen në këtë rajon, Amerika Latine nuk është e gjitha e rrezikshme.
Argjentina është vendi i tretë më i sigurt në Amerikën Latine dhe një nga të vetmet vende në rajon që ka tendencë më të sigurt me kalimin e kohës, sipas Indeksit Global të Paqes.
Është e sigurt të thuhet se turistet nuk do të mërziten kurrë në Argjentinë. Pavarësisht nëse mësojnë tango në Buenos Aires, shijojnë verën në Mendoza, ose ecin në Patagonia, një udhëtim në Argjentinë do të jetë padyshim i mbushur me përvoja spektakolare.
Irlanda
Irlandezët janë të njohur për mikpritjen e tyre.
“Fytyrat e reja nga jashtë janë gjithmonë të mirëseardhura, pavarësisht nëse je vetëm apo pjesë e një grupi. Kjo e bën Irlandën një destinacion ëndrrash për udhëtarët e vetëm”, thonë agjencitë në Irlandë.
Gratë që vizitojnë Irlandën mund të jenë të qeta në udhëtimin e tyre të vetëm. Vitin e kaluar, aplikacioni i udhëtimit Bounce e renditi Irlandën si destinacionin numër 1 më të sigurt për turistet që udhëtojnë vetëm.
Irlanda është vendi i tretë më i sigurt në botë, sipas Indeksit Global të Paqes. 70% e grave ndjehen të sigurta duke ecur vetëm dhe shkalla e krimit është shumë e ulët.
Omani
Omani është destinacioni më i nënvlerësuar në Lindjen e Mesme deri më tani, veçanërisht për turistet që udhëtojnë vetëm. Ky vend arab ka një nga nivelet më të ulëta të krimit në botë dhe konsiderohet gjerësisht si vendi më ‘mendjehapur’ i rajonit.
Vendasit e marrin shumë seriozisht mikpritjen dhe mirësinë ndaj të huajve. Ata në fakt janë votuar si njerëzit më të mirë në botë dhe më miqësorët me të huajt! Nuk duhet të habiteni nëse ju ftojnë për çaj ose ju ofrojnë udhëzime pa pyetur.
Kroacia
Infrastruktura e shkëlqyer turistike e Kroacisë, qendrat e njohura të udhëtimeve dhe kultura e qetë e bëjnë atë një zgjedhje kryesore për turistet dhe Indeksi Global i Paqes e rendit Kroacinë në 20 vendet më të sigurta në botë, ndërsa Culture Trip dhe Mediterranean Traveler thonë se Kroacia është një nga destinacionet kryesore globale për gratë që udhëtojnë vetëm.
Malajzia
Midis Tajlandës dhe Indonezisë shtrihet Malajzia, shpesh i anashkaluar. Ky destinacion i Azisë Juglindore ofron atë kombinim të përballueshmërisë, sigurisë, plazheve me rërë dhe komoditetit, duke e bërë atë të përsosur për turistet që udhëtojnë vetëm.
Malajzia është vendi i tretë më i sigurt në Azi dhe një nga 20 vendet më të sigurta në botë.
Kuala Lumpur është statistikisht më i sigurt dhe më i përballueshëm se shumica e qyteteve amerikane dhe europiane.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
