Policia e Kosovës ka njoftuar se një efektiv ka vdekur pasi është sulmuar me armë zjarri në Istog gjatë një grabitjeje.
Zëdhënësi i Policisë së Kosovës Baki Kelani ka thënë për mediat se personi i dyshuar, në përpjekje për t’u larguar nga vendi i ngjarjes ka shtënë me armë zjarri në drejtim të policit Izet Demaj, i cili ka ndërruar jetë pas plagëve të marra.
Rreth orës 15:35 Policia ka marrë një informatë për një grabitje në një filial të NLB Bankës në Istog. Polica e Kosovës me të arritur në atë lokacion ka hasur në personin e dyshuar që ka qenë në posedim të armës së zjarrit.
Personi i dyshuar në përpjekje për t’u larguar nga vendi i ngjarjes ka shtënë me armë zjarri në drejtim të zyrtarëve policorë, të cilët për vetëmbrojtje janë detyruar t’i përgjigjen me armë zjarri duke e lënë të vrarë në vend.
“Si pasojë e shkëmbimit të zjarrit edhe një zyrtar policor ka pësuar plagë të rëndë, i cili nuk ka mbijetuar dot”, ka thënë Kelani.
Ai ka bërë të ditur se në vendin e ngjarjes policia ka gjetur një granatë dore dhe një armë zjarri, e cila dyshohet se është përdorur nga grabitësi i identifikuar si Kamer Metaj. Nga videot e publikuara në mediat kosovare shihet se Kamer Metaj është qëlluar në gjoks.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
