.png)
Gazeta Si – Luan Maçi, autori i dyshuar i grabitjes në një pikë këmbimi valutor në një qendër tregtare në rrugën “5 Maji” në Tiranë, ka deklaruar se ishte i detyruar ta merrte një akt të tillë për shkak të gjendjes së rëndë shëndetësore të nënës së tij dhe borxheve.
Fillimisht ai i ka mohuar akuzat para policisë dhe ka deklaruar se nuk ishte ai autori i grabitjes së 300 mijë lekëve të rinj.
Por, policia gjeti robat që përdori në grabitje brenda në lavatriçeje, prova të rëndësishme për dokumentimin e ngjarjes, përveç pamjeve të kamerave të sigurisë. Më pas, ai pranoi se ishte autor i grabitjes dhe tregoi arsyen dhe planin.
“Planifikoja grabitjen që më përpara, por pas tentativës për të grabitur bankën në zonën e ish-Parkut u frikësova dhe vendosa ta shtyja. Isha i detyruar, sepse kam shumë borxhe dhe një nënë të sëmurë në gjendje shumë të rëndë,” deklaroi Maçi.
Sapo kreu grabitjen, ai u largua i qetë dhe fillimisht në këmbë ka hyrë brenda tregut të Medresesë dhe nga aty ka dalë në anën e pasme nëpër rrugica.
Në një pusetë fillimisht ka fshehur pistoletën lodër, ka marrë një taksi dhe nga aty ka shkuar në shtëpi. Për t’u fshehur ka hequr mjekrën dhe fillimisht u ka thënë efektivëve se e kanë ngatërruar, sepse nuk ishte ai autor.
Sipas hetimeve, ai hyri në orët e para të mëngjesit në pikën “Exchange”, kërcënoi punonjësen me armë zjarri dhe mori një shumë që dyshohet të jetë rreth 3 milionë lekë.
Autoritetet bëjnë me dije se 42-vjeçari nuk është i panjohur për policinë, pasi rezulton me precedentë të mëparshëm penalë për vepra të ndryshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje