.png)
“Ditët e pandëshkueshmërisë po marrin fund! Duhet të marrin fund!”. Me këto fjalë komentoi Ambasadorja e SHBA në Tiranë, Yuri Kim zhvillimet e fundit në vend, dënimin me burg të Adriatik Llallës dhe shpalljen “non grata” të Sali Berishës nga ana e Departamentit të Shtetit.
Kim foli nga Vlora ku ndodhet për të ndjekur stërvitjen “Defender 21”. Ambasadorja u pyet në lidhje me vendimin e DASH ndaj Berishës. Ajo nuk e përmendi drejtpërdrejtë, por tha se “askush nuk duhet të jetë mbi ligjin dhe askush nuk do të jetë me ligjin”.
“Shqipëria do të bëhet anëtare e BE! Shqipëria është një aleat i yni! Shqipëria në BE dhe sundimi i ligjit nuk është një projekt amerikan, por është projekt i qytetarëve të saj”, tha Ambasadorja.
Të enjten, Gjykata kundër Korrupsionit dhe Krimit të Organizuar dënoi me 2 vite burg ish-kryeprokurorin Adriatik Llalla për mosdeklarim pasurie dhe sekuestrimin e disa pronave të tij, ndërsa Sali Berisha doli para mediave për të kundërshtuar vendimin e DASH që e shpalli familjarisht “non grata” dhe njoftimin se do të padiste personalisht Sekretarin e Shtetit, Antony Blinken.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
