.png)
Mbrojtësi i Kombëtares U-19, Maldin Kaçurri debutoi me ekipin e parë të Arsenalit, shqiptari i parë në radhët e Arsenalit.
Prindërit e Maldinit shqiptar i kanë vënë emrin atij si tifozë të mëdhenj të legjendës së AC Milan.
Por ato nuk e mendonin se një ditë, Maldini i tyre do përgëzohej nga Maldini legjenda për lojën e bërë.
Dhe kjo ka ndodhur. Në postim e bërë në Instagram nga Maldin Kacurri, ka komentuar Paolo Maldini, duke e përgëzuar.
“Moment krenarie për mua dhe familjen time që të debutoja me Arsenalin, eksperiencë e paharrueshme. Do vazhdojmë të punojmë”, shkruante Kaçurri në postimin pas ndeshjes në “Carabao Cup”.
Poshtë tij, Paolo Maldini i shkruan "Urime Maldin", si edhe e duartroket djaloshin kuqezi, një koment që ka marrë shumë pëlqime edhe nga fansat e të dyve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
