.png)
Gazeta Si – Donald Trump do të fillojë planin e tij për dëbimet masive të emigrantëve të martën, menjëherë pasi të betohet në Shtëpinë e Bardhë, me një operacion në Çikago që do të zgjasë një javë.
Lajmi raportohet nga gtazeta “Wall Street Journal”, duke cituar disa burime, sipas të cilave presidenti i zgjedhur do të mobilizojë 200 agjentë për të kryer operacionin.
Ky i fundit do të shërbejë për të dërguar një mesazh për “qytetet e shenjta”, pra ato qytete të qeverisura nga demokratët “të cilët mbrojnë emigrantët e paligjshëm duke mos ndihmuar autoritetet federale të zbatojnë ligjet e imigracionit”.
Operacioni, shkruan gazeta prestigjioze amerikane, do të kishte për qëllim emigrantët e paligjshëm që kanë precedentë penalë, përfshirë krime të lehta si shkeljet e trafikut.
Burimet kanë saktësuar se “do të arrestohet kushdo që është i pranishëm në momentin e arrestimit, edhe pse ndodhet ilegalisht në vend”.
Për më tepër, stafi i presidentit të zgjedhur, thuhet se synon të organizojë dëbime masive të ngjashme në një sërë qytetesh që deri më tani kanë miratuar politika që synojnë kufizimin e bashkëpunimit me autoritetet federale në lidhje me politikat e emigracionit.
Qytetet e tjera të përfshira mund të përfshijnë Nju Jorkun, Los Anxhelosin, Denverin dhe Majemin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
