.png)
Nga Gazeta Si- Deputeti Dash Sula ka derdhur qumësht në shkallët e parlamentit në mbështetje të protestës së blegtorëve për çmimin e lirë të qumështit.
Pak para nisjes së seancës, deputeti demokrat derdhi qumështin tek hyrja e kuvendit dhe i bëri thirrje qeverisë që të kthejë vëmendjen tek fermerët.
“Kostot janë shumë të mëdha. Qeveria nuk ka kohë të merret me blegtorët. Fondet janë të AZHBR-së. Miliona euro nuk merren nga fermerët por persona të caktuar kanë devijuar fondet në ndërtim apo vende të tjera”, tha Sula.
Pak ditë më parë fermerët udhëtuan me traktorët e tyre nga Kavaja, Vlora, Berati, Fieri, Lushnja dhe u mblodhën në protestë tek rrethrotullimi i Savrës në autostradën Lushnje- Fier.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
