.png)
Dy byzylykë diamanti që i përkisnin mbretëreshës franceze Marie Antoinette do të dalin në ankand në muajin nëntor, në Gjenevë, njoftoi dje shtëpia e ankandeve ‘Christie’s’.
Rrathët, të zbukuruar me 112 diamante, do të shiten së bashku në shifrën 2-4 milionë dollarë.
Ky vlerësim “përfshin jo vetëm vlerën e diamanteve, por edhe faktin që blerësi do të mbajë bizhuteri që dikur i përkisnin mbretëreshës së famshme, Marie Antoinette”, është shprehur për AFP specialistja e stolive e Christie’s, Marie-Cecile Cisamolo.
Bizhuteritë historike ndërkohë mund të shiten shumë më tepër sesa çmimi i kërkuar.
“Siç shihet në shitjet e fundit në Gjenevë, tregu për bizhuteritë me origjinë fisnike vazhdon të funksionojë jashtëzakonisht mirë”, tha Francois Curiel, kryetari i divizionit luksoz të Christie, në një deklaratë.
Në vitin 2018, një varëse perlash dhe diamanti natyror që i përkiste mbretëreshës fatkeqe franceze u vlerësua nga shtëpia e ankandit Sothebye’s në 1-2 milionë dollarë, por u shit për 36 milionë dollarë.
Marie-Antoinette, mbretëresha e fundit e Francës para revolucionit, u gijotinua në Paris në tetor 1793 në moshën 37-vjeçare.
Por specialistja Cisamolo tha se nuk ishte vetëm historia e tyre që i bëri rrathë të jashtëzakonshëm, duke treguar madhësinë e madhe të diamanteve, të cilat variojnë nga një deri në katër karat.
“Është shumë e vështirë të matësh madhësinë e tyre të saktë, sepse këto janë diamante antike, dhe atëherë madhësitë ishin më pak të sakta”, shpjegoi ajo.
Ndërsa nuk kishte saktësinë e gurëve të sotëm të prerë me lazer, Cisamolo theksoi hijeshinë dhe veçantinë e diamanteve antikë.
Në total, Christies vlerëson se byzylykët variojnë 140 deri në 150 karat.
Ato përbëhen secila nga tre rreshta gurë të çmuar dhe mund të lidhen së bashku dhe të përdoren si një gjerdan.
Sipas Christie’s, Marie-Antoinette i porositi byzylykët nga argjendaria Charles August Boehmer në Paris në 1776, dy vjet pasi ajo u ngjit në fron.
Ajo pagoi 250,000 livra, “një shumë e madhe në atë kohë”, tha Christies.
Pastaj erdhi revolucioni.
Para se të përpiqej të largohej nga Franca me mbretin Louis XVI dhe fëmijët e tyre, Marie-Antoinette së pari u sigurua që bizhuteritë e saj të dërgoheshin jashtë vendit.
Ata u dërguan në Bruksel, të qeverisur nga motra e saj Arkidhehese Marie-Christine, para se të dërgoheshin në vendlindjen e mbretëreshës franceze në Austri, e sunduar nga nipi i saj, perandori.
Në vitin 1792, familja mbretërore u burgos në Paris. Mbreti dhe mbretëresha u ekzekutuan vitin e ardhshëm dhe djali i tyre 10-vjeçar Louis XVII vdiq në robëri.
Vetëm vajza e tyre, Marie Therese e Francës, mbijetoi. Ajo u lirua në dhjetor 1795 dhe u dërgua në Austri, ku iu dhanë bizhuteritë e nënës së saj.
“Kështu këto xhevahire mund të gjurmojnë rrugëtimin e Marie-Antoinette”, tha Cisamolo, duke shtuar se ajo shpresonte se kushdo që i blinte ato “do t’i çmojë ata për pjesën tjetër të jetës së tyr”.
“Jo vetëm që keni veshur diçka që kishte veshur Marie-Antoinette”, tha ajo. “Diamantët janë të jashtëzakonshëm”.
Byzylykët, tha ajo, duke treguar gurët e çmuar që shkëlqejnë në kyçet e dorës, “është sikur sikur të kesh veshur pëlhurë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
