Kristiano Ronaldo fitoi çmimin si Lojtari më i Mirë i vitit në Lindjen e Mesme. Ylli portugez që aktivizohet te Al Nassr, e tërhoqi trofeun në Glob Soker Awards, që u zhvillua në Dubai.
Kur u pozicionua në sallë dhe në momentin kur hipi në skenë për të tërhequr çmimin, vëmendja u përqendrua te ora që CR7 mbante në dorë. Bëhet fjalë për një Roleks, e cila është një prej prodhimeve më të kushtueshme në histori nga kompania prestigjoze e matësve të kohës.
Ajo ishte e gjitha e bardhë dhe e mbuluar me diamante të bardhë 30 karatësh.
Ora shkëlqyese GMT-Master 2 e Ronaldos është realizuar e gjitha në mënyrë artizanale nga Roleks dhe gurët e çmuar janë vendosur një për një me dorë. Çmimi i saj përllogaritet në 400 mijë euro.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
