Kreu i Kryqit të Kuq ka paralajmëruar se kriza e koronavirusit mund të shkaktojë valë të mëdha emigracioni pasi të hapen kufijtë.
Kreu i Federatës Ndërkombëtare të Kryqit të Kuq dhe Gjysmëhënës së Kuqe (IFRC), Jagan Chapagain, tha se ai ishte thellësisht i shqetësuar për efektet dytësore të pandemisë, pasi mbyllja e kufijve dhe kufizimet Covid-19 kanë shtyrë miliona njerëz në varfëri.
“Gjithnjë e më shumë po shohim në shumë vende ndikimet në jetesën krizën e urisë,” tha ai në një intervistë për mediat franceze.
Shumë njerëz tashmë janë përballur me zgjedhjen e rrezikimit të ekspozimit ndaj koronavirusit të ri ose të vdesin urie, duke u detyruar të shkojnë në punë, tha Chapagain, duke paralajmëruar se dëshpërimi mund të ketë pasoja të largëta.
“Ajo që ne dëgjojmë është se shumë njerëz që po humbasin shpresën në vendin e tyre dhe pasi të rifillojë hapjen totale e kufijve, do të ndjehen të detyruar të lëvizin,” tha ai. “Ne nuk duhet të befasohemi nëse ka një ndikim të madh në emigrimin në muajt dhe vitet e ardhshme.”
Chapagain bëri thirrje për ndihmë të menjëhershme për të lehtësuar dëshpërimin e njerëzve dhe paralajmëroi se migracioni i shtuar do të rezultojë në “tragjedi të shumta gjatë rrugës”, përfshirë vdekjet në det, trafikimin e qenieve njerëzore dhe shfrytëzimin.
“Kostoja e mbështetjes së emigrantëve, gjatë tranzitit dhe natyrisht kur ata arrijnë në vendin e destinacionit, është thelbësore,” tha ai.
Chapagain gjithashtu dënoi përpjekjet në disa vende për të siguruar vaksinat për njerëzit e tyre së pari: “Virusi nuk njeh kufinj, kështu që është shumë dritëshkurtër të mendosh që nëse vaksinoni popullin tuaj, por i lini të gjithë të tjerët pa vaksinim, do te jeni akoma të sigurt”, tha ai.
Paralajmërimet erdhën ndërsa kreu i Organizatës Botërore të Shëndetit, Tedros Adhanom Ghebreyesus, kritikoi ashpër sekretarin e shtetit të SHBA, Mike Pompeo, pasi ai deklaroi se Tedros ishte i blerë nga Kina.
“Komente janë të pavërteta dhe të papranueshme, dhe pa asnjë bazë për këtë çështje,” tha Tedros. “Nëse ka një gjë që me të vërtetë ka rëndësi për ne dhe që duhet të ketë rëndësi për tërë bashkësinë ndërkombëtare, është të kursejmë ketë. Dhe OBSH nuk do të hutohet nga këto komente. “
Pompeo, ndërkohë, mbajti një fjalim të enjten në Kaliforni, duke bërë thirrje “kombeve të lira” të triumfojnë mbi kërcënimin e asaj që ai tha se ishte një “tirani e re” nga Kina.
Presidenti Trump anuloi një pjesë të kongresit kombëtar republikan në Florida, pasi SHBA arriti 4 milion raste me Covid-19 dhe gati dy milion raste të reja janë raportuar në dy javët e kaluara. Ky ishte shembulli më i rëndësishëm që tregonte se Trump që përulet drejt realitetit shkencor të pandemisë, e cila u ka marrë më shumë se 1000 amerikanëve në secilën nga tre ditët e kaluara.
Presidenti pranoi në konferencën e tij të përditshme për shtyp se pikat e nxehta mund të kenë nevojë të vonojnë rihapjen e shkollave me disa javë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
