Sekretari i Përgjithshëm i OKB-së Antonio Guterres do të bënte hapjen e konferencës në COP27 kur filloi me fjalimin dhe e ndërpreu pas fjalisë së parë.
“Bota po e humbet garën kundër krizës klimatike, por unë kam shpresë prej jush. Ju keni qenë të pamëshirshëm në kërkesën e llogarisë nga vendimmarrësit”, filloi Guterres por që menjëherë ndaloi konfuz për atë që po thoshte.
Më pas, duke qeshur me vete, ai tha: “Mendoj se lexova fjalimin e gabuar”.
Të gjithë filluan duke duartrokitur dhe duke qeshur deri kur atij i sollën fjalimin e duhur.
Guterres shpjegoi se ai do të fliste me një grup të rinjsh pas fjalimit të tij dhe kishte nisur të lexonte fjalimin që u drejtohej atyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
