.png)
“Konfindustria” i ka bërë kërkesë qeverisë shqiptare që të shtyhet afati i shpalljes së pronarëve përfitues të bizneseve deri më 30 qershor.
Shoqata në kërkesën e saj shpjegon se investitorët e huaj në vend mund të vonojnë regjistrimin e tyre lidhur me situatën e krijuar nga Covid-19 duke marrë parasysh që është periudhë e ngarkuar kur kompanitë përpunojnë dhe publikojnë pasqyrat financiare.
Sipas Konfindustria, 30 ditë është kohë e pamjaftueshme për një kompani të huaj që të mbledhë të gjithë dokumentat, t’i apostilojë, t’i përkthejë në shqip dhe t’i noterizojë, prandaj kërkohet shtyrja e afatit.
Shoqata liston problemet teknike si një tjetër pengesë për tu regjistruar në sistem, i cili në rast të përfundimit të procesit pa sukses, aplikimi nuk ruhet dhe duhet të nisë nga fillimi, duke konsumuar më shumë kohë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
