Autoriteti i Konkurrencës njoftoi sot hapjen e procedurës së hetimit paraprak ndaj Aeroportit të Tiranës në tregun e shërbimit taksi, për udhëtarë nga dhe drejt tij.
AK theksoi se është marrë nën shqyrtim rasti i kësaj ndërmarrjeje, pas dyshimeve për abuzime me ofrimin e shërbimeve/produkteve duke i vendosur ato në kushte të pabarabarta konkurrence.
“Shoqëria e shërbimit taksi nga Rinasi është denoncuar vazhdimisht për çmimet e kripura që ofron.
Ligji në fjalë për ‘Abuzimin me pozitën dominuese në treg’, thotë se mund të përbëjë abuzim veçanërisht vendosja, në mënyrë të drejtpërdrejtë ose të tërthortë, e çmimeve të padrejta blerjeje ose shitjeje, ose e kushteve të tjera të padrejta të tregtimit. Për këto arsye, Komisioni i Konkurrencës vendosi hapjen e procedurës së hetimit paraprak ndaj ndërmarrjes Tirana International Airport SHPK në tregun e shërbimit taksi për udhëtarë nga dhe drejt Aeroportit Ndërkombëtar të Tiranës”, thuhet në njoftimin e Autoritetit të Konkurrencës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.