.png)
Çrregullimi Bartolin është inflamacion i shpeshtë i njërës ose të dy gjëndrave të Bartholin. Këto të fundit, të vendosura në pjesën e brendshme të organit gjenital femëror dhe pikërisht në afërsi të grykës vaginale, kanë për detyrë të sekretojnë një lëng transparent gjatë marrëdhënieve seksuale. Madhësia e tyre ndryshon me moshën dhe tek gratë e rritura ata arrijnë vëllimin e tyre maksimal e pastaj i nënshtrohen menopauzës.
Bartolini është padyshim një çrregullim shumë i bezdisshëm, por në shumicën e rasteve zgjidhet brenda 3-5 ditëve. Ndonjëherë, mund të formohet një kist i cili nëse zmadhohet shumë shkakton shqetësim gjatë ecjes.
Cilat janë shkaqet e Bartolinit dhe si manifestohet?
Përgjegjës për Bartolinin është një infeksion i mbështetur nga bakteret që mund të kenë qenë prezentë në trup. Ndër këto, më të shpeshtat janë Streptokoku, Chlamydia trachomatis, Mycoplasma hominis dhe Escherichia coli. Sidoqoftë, shkaqe të tjera jo infektive nuk mund të përjashtohen si keqformimi që nga lindja gjë që shkakton zhvillimin jo normal të indeve të organeve gjenitale dhe gonorrea, një sëmundje seksualisht e transmetueshme. Një rol të rëndësishëm në zhvillimin e inflamacionit të gjëndrave të Bartolin ka edhe higjiena intime.
Simptomat e Bartolin
Simptoma tipike e Bartolinit është një ënjtje (e njëanshme ose e dyanshme) në pjesën e poshtme të organit gjenital. Organet gjenitale të jashtme duken të deformuara për shkak të inflamacionit të gjëndrave. Kjo më pas sjell acarimin e gjithë organit gjenital, vështirësi në ecje dhe marrëdhënie seksuale me dhimbje.
Nëse Bartolini është shkaktuar nga një proces infektiv, mund të përjetoni shkarkim të verdhë vaginal, ethe dhe një ndjenjë peshe në fund të barkut.
Simptoma të tjera janë:
-Kruajtje lokale
-Dhimbje të forta
-Skuqje.
Diagnoza dhe Trajtimi
Diagnoza e Bartholinitis merret me një ekzaminim gjinekologjik. Kjo gjendje në përgjithësi prek gratë rreth moshës 35-40 vjeçare dhe rreziku i mundshëm është që të kalojë në kancer të pjesës së poshtme të organit gjenital. Çdo dyshim duhet të eliminohet me një biopsi. Kanceri i gjëndrës Bartolin manifestohet si një gungë e ngurtësuar me skaje të parregullta. Nëse avancon, mund të rrjedh gjak, të kruhet ose të krijojë ndjesi të dhimbshme. Siç është përmendur tashmë, Bartholin pothuajse gjithmonë zgjidhet për 3-5 ditë. Për të lehtësuar simptomat, është e mundur të merrni anti-inflamatorë. Antibiotikët, oral dhe lokal, duhet të jepen vetëm në rast infeksioni. Qasja kirurgjikale parashikohet vetëm nëse trajtimet rezultojnë të pamjaftueshme ose kur episodet e Bartholinit përsëriten 2-3 herë gjatë vitit./Il Giornale/
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje