Gazeta Si – Në varrezat e luftës së Komonuelthit te Liqeni Artificial i Tiranës, u mbaj këtë të diel ceremonia përkujtimore për 52 ushtarët britanikë të rënë gjatë Luftës së Dytë Botërore në Shqipëri.
Ajo që ra në sy ishte prania e ish-kryetarit të Partisë Demokratike Lulzim Basha, i cili u pa në ceremoni në shoqërinë e krerëve të komuniteteve fetare si dhe të Princ Lekës.
Marrëdhëniet e ish-kryedemokratit me Belind Këlliçin, deputeti i cili është reshtuar krah Rithemelimit të Sali Berishës, u dukën të ftohta. Ata të dy ishin në një distancë nga njëri-tjetri dhe jo krah më krah.
Ndërkohë Këlliçi, i cili ka shpallur kandidaturën në primaret e Rithemelimit, shtrëngoi dorën me deputetin socialist Pandeli Majko.
Ndërkaq, ambasadorja e SHBA-ve në Tiranë, Yuri Kim, është parë me krerët e drejtësisë së re, drejtuesin e SPAK Arben Kraja dhe dhe Prokurorin e Përgjithshëm, Olsian Çela.
Të pranishëm në këtë ceremoni ishin diplomatë të huaj, përfshirë ambasadorin britanik Alastair King-Smith dhe ambasadori i Republikës Federale të Gjermanisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
