Aktorja australiane, Cate Blanchett tha se mori “sanduiçe falas”, por nuk u pagua mirë për rolin e saj të Galadrielit në ekskluzivitetin e “Lord Of The Rings”.
Fituesja e dyfishtë e Oscar-it u pyet se cili film i solli asaj pagën më të madhe, ndërsa luante “Plead The Fifth”, në emisionin amerikan “Watch What Happens Live”.
Kur prezantuesi Andy Cohen mori me mend “Lord Of The Rings”, një Blanchett e habitur tha “po tallesh me mua? Jo, askush nuk u pagua për ta bërë atë film”.
Kur Cohen e pyeti nëse ajo kishte “një pjesë në fund”, që do të thotë një përqindje e fitimeve që realizon projekti, 55-vjeçarja Blanchett tha “jo! Kjo ishte shumë më parë, jo, asgjë!’’.
“Doja të punoja me djalin që bëri ‘Braindead’ (Sir Peter Jackson). Domethënë, në thelb mora sanduiçe falas, gjë që është diçka, ata më ushqyen. Jo, askush nuk u pagua’’, tha ajo.
Blanchett, e cila po promovonte filmin e saj të fundit “Borderlands” ndërsa ishte në shfaqjen televizive, shtoi se “gratë nuk paguhen aq sa mendohet”.
Blanchett luajti rolin e Galadrielit të fuqishëm mbretëror në trilogjinë e filmit të Sir Peter, i lëshuar midis 2001 dhe 2003, dhe më vonë e riprodhoi rolin në “The Hobbit” të vitit 2012, të gjitha të bazuara në botën e fantazisë të krijuar nga autori JRR Tolkien.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
