.png)
Gazeta Si – Apeli i Gjykatës së Posaçme ka liruar nga qelia 4 prej 6 personave të arrestuar lidhur me operacionin e zhvilluar në janar të këtij viti në qendër të Tiranës ku me urdhër të SPAK u ushtruan kontrolle në një kullë luksoze ku dyshohej se kryhej mashtrim me call center.
Mësohet se për të hetuarit Elis Merkaj, Endri Gjata, Remir Gjoliaj dhe David Qerimi, u caktuan masat e sigurisë “arrest shtëpie”.
Tetë persona u vënë në pranga me kërkesë të Prokurorisë së Posaçme në një aksion kundër mashtrimeve me call center në 18 janar. Si pasojë e këtij operacioni u shpallën në kërkim tre persona të tjerë për mashtrim kompjuterik, ndërsa janë kontrolluar edhe 28 ambiente: banesa, automjete, zyra, garazhde etj.
Hetimet nisën më datë 9 janar pasi në Byronë Kombëtare të Hetimit u paraqitën disa gazetarë italianë të emisionit investigativ “Le Iene”, të cilët gjatë një hulumbimi kishin identifikuar një call center në Tiranë që mashtronte italianë dhe europianë për investime në kriptomonedha të ndryshme.
Drejtuesit e aktivitetit kriminal kishin ngritur një qendër e mirëorganizuar e thirrjeve telefonike, me poste pune të ndara, role të përcaktuara dhe staf që operonte në gjuhën italiane, franceze, spanjolle dhe gjermane.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje