.png)
Futbolli dhe birra shkojnë dorë për dore, por jo në rastin e Botërorit në Katar. Pasi kompania amerikane Budweiser kishte dërguar mijëra kanoçe birre në Katar, doli rregulli se nuk do të lejohej pirja e birrës në stadium. Kështu, kanoçet me birra kanë mbetur të bllokuara nëpër magazina. Edhe pse vendimi i ndalimit të birrës nuk prek zonat e caktuara për tifozët në pjesë të ndryshme të qytetit, sasia e birrës që do të konsumohet në total gjatë turneut parashikohet të pësojë ulje të ndjeshme.
New Day, New Tweet. Winning Country gets the Buds. Who will get them? pic.twitter.com/Vv2YFxIZa1
— Budweiser (@Budweiser) November 19, 2022
Për të shmangur kostot e rikthimit të birrës, që ka bërë një udhëtim prej 13 mijë kilometrash, kompania ka vendosur që arkat e pakonsumuara t’ia ofrojë shtetit që do të fitojë turneun.
Me një postim në Twitter, faqja zyrtare e kompanisë ka shkruar “Ditë e re, Tweet i ri. Shteti fitues merr birrat. Kush do t’i marrë ato?”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
