.png)
Nga Gazeta ‘SI’ – Banka e Shqipërisë ka pezulluar licencën e një ndër subjektve financier jobankë në vend, për shkak të shkeljeve serioze që ka bërë subjekti kreditues.
BSH në vendimin e saj argumenton se subjekti nuk ka klasifikuar kreditë sipas rregullores dhe rrezikut të tyre. Nuk ka bërë analiza financiare për aftësinë paguese të kredimarrësve, nuk ka respektuar masën e penalitetit me 30% për vonesa dhe nuk ka një databazë të përditësuar me të dhënat e klienëve.
Heqja e licencës ndodh 2 vite pasi BSH ia kishte rivendosur subjektit, që i ishte hequr për të njëjta arsye.
Pezullimi do të vijojë për 12 muaj, por subjekti mund të vazhdojë të trajtojë kreditë e shkuara ose të shesë portofolin e saj.
Në një tjetër vendim, Banka ka lënë me 0% shtesën kundërciklike për bankat tregtare, me rënien e kredimit në fund të 2022-shit.
Shtesa kundërciklike është një shtesë në kapitalin e bankave sipas gjykimit të bankës qendrore për të frenuar rrezikun ndaj rritjes së kreditimit ose dhe vetë kreditimin. Gjatë 2022-shit, kreditimi pati rritje të fortë dhe të shpejtë, por bankat nuk patën nevojë për kapital shtesë dhe u shfaqën shumë likuide. Sipas Bankës së Shqipërisë, kapitali i bankave tregtare në Shqipëri u rrit në nivelin 19%.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
