.png)
Gazeta Si – Gjatë ndeshjes Kroaci-Japoni është vendosur një rekord botëror. Është një rekord individual në fakt, që ka të bëjë me kilometrat e bëra nga mesfushori i Interit, Marselo Brozoviç.
Aftësitë e tij për të vrapuar pa fund janë të njohura prej kohësh. Ndaj Japonisë Brozoviç luajti 120 minuta dhe shfaqi gjithë potencialin e tij në mesin e fushës.
Në Kroaci shkruajnë se Brozoviç vrapoi 16.7 kilometra në ndeshjen e fundit dhe ky është një rekord botëror. Kroati ka thyer rekordin e tij të mëparshëm. Në gjysmëfinalen e Kupës së Botës në Rusi 2018, ku Kroacia u mund në finale nga Franca, mesfushori kishte vrapuar 16.33 kilometra.
Trajneri Zllatko Daliç zëvendësoi dy mesfushorët e tjerë gjatë ndeshjes me Japoninë, Modriç dhe Kovaçiç, kurse Brozoviç qëndroi deri në fund, madje gjuajti dhe shënoi një nga penalltitë e kroatëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
