Gazeta Si – Dy peshëngritësit tanë, Erkand Qerimaj dhe Briken Calja, konkurruan sot në Botërorin e Peshëngritjes, që po mbahet në Arabinë Saudite prej datës 4 shtator. Ata garuan në peshën deri 81 kilogramë, një peshë joolimpike, ndërkohë që asnjëri nuk mundi të fitojë medalje.
Erkand Qerimaj u paraqit më mirë. Ai garoi në Baterinë A dhe ngriti 156 kilogramë në stilin e shkëputjes, ku zuri vendin e 5-të. Në shtytje Qerimaj zuri vendin e 8-të me 182 kilogramë dhe në dygarësh 338 kilogramë, që do të thotë vend i 7-të.
Briken Calja garoi nga Baterinë B. Në shkëputje ai ngriti 150 kilogramë dhe u rendit i 10-i, kurse në shtytje ngriti 187 kilogramë dhe u rendit i 7-i. Në dygarësh, me 337 kilogramë, Calja zuri vendin e 8-të në botë.
Botërori ishte një mundësi edhe për kualifikimin në Olimpiadën e Paris 2024, por dy peshëngritësit shqiptarë nuk garuan në pesha olimpike. Peshëngritja shqiptare nuk ka kështu asnjë sportist brenda normës olimpike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
