Një ortek dëbore në pikën turistike të Brezovicës i ka marrë jetën ditën e sotme zv.ministrit të Diasporës për Kosovën, Arian Daci. Ky i fundit është edhe djali i ish-kreut të Kuvendit të Kosovës, Nexhat Daci.
Lajmi për viktimën është njoftuar nga Agjencia për Mjedisin. Ndërkohë burime nga policia në rajonin e Ferizajt, shprehen se orteku ka zënë dy persona, njëri prej të cilëve humbi jetën.
Brezovica është zonë turistike në parkun e Sharrit dhe një destinacion mjaft i parapëlqyer edhe për qytetarët shqiptarë, të cilët preferojnë turizmin malor.
Kryeministri i Kosovës, Ramush Haradinaj është shprehur i tronditur nga fatkeqësia në Brezovicë, ku humbi jetën Arian Daci, zëvendësministër i Diasporës.
“Ngushëllimet më të sinqerta mikut tim, Akademik Nexhat Dacit, familjes së ngushtë të Arianit, si dhe miqve e kolegëve të tij”, ka shkruar Haradinaj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
