.png)
Gazeta Si – Katar 2022 do të njohë sot dy skuadra të tjera çerekfinaliste, pas Holandës, Argjentinës, Francës dhe Anglisë. Brazili përballet në mbrëmje me Korenë e Jugut dhe Kroacia me Japoninë në orën 16:00. Seleçao dhe ballkanasit janë favoritë për të kaluar më tej.
Brazili, në mënyrë të befasishme ka rikuperuar Nejmarin. Dilema është, nëse trajneri Tite do ta hedhë në fushë nga minuta e parë, apo do ta nisë nga stoli. Gjasat janë që ylli brazilian të zbresë në fushë nga minuta e parë.
Në mbrojtje pritet që Eder Militao të spostohet në të majtë, pasi Aleks Sandro nuk është rikuperuar 100%. Në të djathtë kthehet Danilo, kurse pjesa tjetër e skuadrës pritet të jetë ajo e dy ndeshjeve të para.
Kroacia bazohet gjithmonë te eksperienca e mesfushorëve të saj Modriç, Brozoviç dhe Kovaçiç. Gvardiol ka marrë rolin e liderit në mbrojtje, ndërsa në sulm pritet të luajë Livaja në qendër, Kramariç dhe Perisiç në krahë.
Katar 2022, 1/8-at
Sot
Kroaci-Japoni (16:00)
Brazil-Kore e Jugut (20:00)
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
