Gazeta Si – Shumë zhurmë për asgjë. Nën dritat e Sakhir, Maks Veshtapen dhe Red Bull kanë treguar qartë superioritetin e tyre. Botërori 2024 ka nisur aty ku përfundoi ai i 2023-shit, nën shenjën e binomit kampion në fuqi.
Holandezi, që u nis i pari, filloi menjëherë shkëputjen, kurse shoku i skuadrës, Serxhio Perez, fitoi në harkun e pak xhirove vendin e dytë. Ferrari e ka parë gotën gjysmë plot në këtë garë, pasi është ngjitur në pod me Karlos Sainz, i cili bëri disa parakalime, mes tyre edhe shikun e skuadrës Leklerk. Ky i fundit pati një problem me frenat, por arriti t’i marrë vendin e 4-t Rasëllit.
Mecedes (power unit) edhe në gjysmën e dytë të ‘top 10’: Lando Norris, Ljuis Hemilton, Oskar Piastri, Fernando Alonso dhe Lens Stroll mbyllën sipas radhës 10-shen më të mirë të garës së parë.
Your top 10 in Sakhir 🇧🇭#F1 #BahrainGP pic.twitter.com/Nli92SgDNk
— Formula 1 (@F1) March 2, 2024
Leklerk provoi ta sulmonte Vershtapenin që në start, por kampioni në fuqi nuk lëshoi pe. Që në kthesën e parë pati një kontakt mes Stroll dhe Hukenberg. Vershtapen filloi shkëputjen, i ndjekur nga kuarteti i përbërë nga Rasëll, Leklerk, Perez dhe Sainz.
Gara më pas pati disa parakalime, si ai i Sainz ndaj Leklerk. Në sprintin final kanë komanduar dy makinat Red Bull, të ndjekur nga Ferrari i Sainz. Leklerk mbajti vendin e 5-të, pavarësisht disa problemeve, duke qëndruar pas Rasëll, që gaboi në një kthesë dhe francezi përfitoi për ta kaluar. Vershtapen dhe Perez kalojnë finishin të parët.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
