.png)
Aktori legjendar i Hollywood, Chuck Norris, është ndarë nga jeta në moshën 86-vjeçare.
Lajmin e bëri të ditur familja e tij në një deklaratë të publikuar në rrjetet sociale.
Sipas familjes, vdekja e tij ka qenë e papritur dhe ai ishte “rrethuar nga familja dhe njerëz të dashur”, duke shtuar se vdiq në paqe.
“Për botën, ai ishte një yll i arteve marciale, aktor dhe simbol i forcës. Për ne, ai ishte bashkëshort i përkushtuar, baba dhe gjysh i dashur, një vëlla i jashtëzakonshëm dhe zemra e familjes sonë,” thuhet në deklaratë.
Familja nuk ka dhënë detaje mbi shkakun e vdekjes, duke kërkuar privatësi gjatë periudhës së dhimbjes.
Norris fitoi një sërë kampionatesh karateje në fund të viteve 1960, dhe miqësia e tij me kolegun Bruce Lee çoi në paraqitjen e tij në filmin e Lee në vitin 1972, “The Way of the Dragon”. Norris më pas vazhdoi të bënte një numër filmash aksioni gjatë dy dekadave të ardhshme, duke përfshirë “Invasion USA” dhe “The Delta Force”, si dhe serialin televiziv “Walker, Texas Ranger”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje