.png)
Nga Gazeta ‘Si’- Ish-presidenti amerikan Bill Clinton po dëshmon para ligjvënësve amerikanë në lidhje me marrëdhënien e tij me Jeffrey Epstein.
Marrja në pyetje po zhvillohet me dyer të mbyllura.
Ish-Presidenti tha se kishte pasur vetëm një “njohje të shkurtër me Epstein” që përfundoi “vite para se krimet e tij të dilnin në dritë” dhe se ai kurrë nuk e pa “çfarë po ndodhte vërtet” me të ndjerin e dënuar për abuzim seksual, sipas deklaratës së tij hapëse para ligjvënësve.
Ai shton se “si dikush që është rritur në një shtëpi me dhunë në familje”, ai kurrë nuk do të kishte fluturuar me aeroplanin e Epsteinit nëse “do të kishte ndonjë ide se çfarë po bënte ai”.
“Vajzat dhe gratë, jetët e të cilave u shkatërruan nga Jeffrey Epstein, meritojnë jo vetëm drejtësi, por edhe shërim”, tha Clinton në fjalimin e përgatitur.
“Ato kanë pritur shumë gjatë për të dyja. Edhe pse njohja ime e shkurtër me Epstein përfundoi vite para se krimet e tij të dilnin në dritë, dhe megjithëse gjatë ndërveprimeve tona të kufizuara nuk kam parë kurrë ndonjë tregues të asaj që po ndodhte vërtet, jam këtu për të ofruar atë pak që di, në mënyrë që të parandalohet që diçka e tillë të ndodhë përsëri.”
Klinton tha gjithashtu: “Unë e di çfarë pashë dhe, më e rëndësishmja, çfarë nuk pashë. Unë e di çfarë bëra dhe, më e rëndësishmja, çfarë nuk bëra. Nuk pashë asgjë dhe nuk bëra asgjë të gabuar.”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje