.png)
Gazeta Si - Një 62-vjeçar është plagosur rëndë në Sarandë, pasi ka rënë nga një skelë teksa punonte në një kantier ndërtimi.
Servet Ziflaj, është nisur paraditen e kësaj të diele me helikopter drejt spitalit të Traumës në Tiranë për mjekim më të specializuar, pasi gjendja shëndetësore është kritike.
Burime nga spitali i Sarandës bëjnë me dije se ai është paraqitur ditën e djeshme në urgjencën e Sarandës pasi kishte rënë nga një lartësi rreth 3-4 metra në kantierin ku punonte.
Fillimisht ai ka qenë në gjendje të mirë shëndetësore, por ditën e sotme situata u përkeqësua dhe hyri në gjendje kome.
Mjekët dyshojnë për trauma të brendshme dhe dëmtim të disa organeve. Ky është rasti i 6 i aksidenteve në punë thuajse më shumë se një muaj.
Një hetim për rastin është çelur për të monitoruar kushtet e sigurisë në punë dhe mënyrën e zbatimit të tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
