BERZH, fund termocentraleve të qymyrit në Ballkan. Kthehet nga projektet diellore

Pas dhënies fund të ivestimeve në termocentralet e qymyrit, në Dhjetor 2018, BERZH (Banka Europiane për Rindëritm dhe Zhvillim) miratoi një Strategji të re të Energjisë.

Në këtë vazhdë BERZH po planifikon të rrisë financimin për projekte diellore dhe të erës në Ballkanin Perëndimor në shkallë të gjerë në pesë vitet e ardhshme, pasi sipas kredituesit, i gjithë rajoni i Ballkanit Perëndimor – Shqipëria, Bosnja dhe Hercegovina, Maqedonia e Veriut, Kosova, Mali i Zi dhe Serbia – vuan nga nivele të larta të ndotjes së ajrit të shkaktuar nga varësia e tij nga termocentralet e qymyrit.

“Ne shohim një potencial të fortë që vjen nga burimet e erës dhe diellit në të gjitha vendet e Ballkanit Perëndimor dhe megjithëse është e vështirë të vlerësohet shuma e financimit të BERZH-it për pesë vitet e ardhshme, me siguri mund të presim një rritje të konsiderueshme të vëllimeve të financimit për të mëdha projekte diellore dhe të erës" tha Zsuzsanna Hargitai, kreu rajonal i EBRD për Ballkanin Perëndimor.

Sipas SEENEWS, në dhjetor, BERZH publikoi një thirrje urgjente në vendet e Ballkanit Perëndimor që të vijojnë uljen e prodhimit dhe përdorimin e qymyrit, duke investuar në burime të rinovueshme. Shqipëria, Bosnja dhe Hercegovina, Maqedonia e Veriut, Kosova, Mali i Zi dhe Serbia ende mbështeten në depërtime të mëdha të kapacitetit të gjenerimit të qymyrit, bazuar në 65%- 75% të gjenerimit të tyre. Mesatarja e BE-së, në krahasim, thuhet se është rreth 10%.

“Qasja jonë është e dyfishtë: nga njëra anë sigurojmë financim për projekte të energjisë së rinovueshme dhe efikasitet të energjisë (30% e financimit të BERZH në rajonin e Ballkanit Perëndimor që nga viti 2006 ishin dedikuar për ekonominë e gjelbër), dhe nga ana tjetër ne mbështesim qeveritë për të zhvilluar një kornizë rregullatore e cila do të stimulojë zhvillimin e ekonomisë së gjelbër" tha Hargitai për medien SEENEWS.

BERZH po menaxhon Programin Rajonal të Efikasitetit të Energjisë (REEP), i filluar në vitin 2009 për të siguruar asistencë teknike, dialog politik, stimuj dhe financim; Për të shndërruar dhe promovuar investimet e efikasitetit të energjisë në rajon”, tha Hargitai.
“Që nga viti 2013, REEP ka mbështetur 38 pika të politikave që mbështeten në direktivat e efiçiencës së energjisë në kontekstin e Ballkanit Perëndimor, me qëllim mundësimin e investimeve të efikasitetit të energjisë. Vetëm nën REEP, BERZH ka financuar 88.6 milion euro direkt dhe përmes institucioneve financiare lokale, duke zvogëluar 112,197 ton CO2 për vit. ”

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.