.png)
Nga Gazeta ‘SI’ – BERZH, nuk ka ndryshuar parashikimin për ekonominë e Shqipërisë.
Në raportin e shtatorit, BERZH parashikon se ekonomia shqiptare do të rritet me 3.5% për 2025-n dhe 2026-n, njësoj sa raporti i muajit maj, kur uli parashikim me 0.2%.
Banka Europiane për Zhvillim dhe Rindërtim thotë se Shqipëria mund të përballet me risqe që lidhen me rënie të kërkesës në Eurozonë dhe një ulje e të ardhurave nga dërgesat e emigrantëve. Thatësira e zgjatur që prek sektorin e bujqësisë dhe prodhimit të energjisë, po ashtu mund të jenë kërcënime për vendin.
Parashikimi për ekonominë e Shqipërisë mund të bëhet më optimist me ecurinë e reformave strukturore dhe implementimin e planit të Rritjes nga BE, thotë BERZH.
Në total, Ballkani Perëndimor parashikohet të rritet me 2.7% në 2025 dhe 3.2% në 2026, ku Shqipëria dhe Kosova shfaqen me performancën më të qëndrueshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
